Türkiyə Azərbaycana polad və sement ixracını artırıb

  • 16 Yanvar, 2020 10:31
Türkiyə Azərbaycana polad və sement ixracını artırıb

2019-cu ildə Türkiyə Azərbaycana 159,629 dollar məbləğində polad və sement ixrac edib.

"Finans.az" xəbər verir ki, Türkiyə Ticarət Nazirliyindən verilən məlumata əsasən, ötən il Türkiyədən Azərbaycana polad ixracı 2018-ci illə müqayisədə 16,39 faiz artaraq 118,424 milyon dollar təşkil edib: “2019-cu ildə Türkiyədən Azərbaycana sement ixracı 2018-ci illə müqayisədə 5 faiz artaraq 41,205 milyon dollar təşkil edib”.

Nazirlikdən bildiriblər ki, ötən ilin dekabrında Türkiyədən Azərbaycan polad ixracı 2018-ci ilin dekabrı ilə müqayisədə 21,66 faiz artıb və 9,658 milyon dollara bərabər olub: “2019-cu ilin dekabrında Türkiyədən Azərbaycan sement ixracı 2018-ci ilin dekabrı ilə müqayisədə 0,83 faiz artaraq 2,604 milyon dollar təşkil edib”.

Qeyd edək ki, 2019-cu ildə Türkiyənin polad ixracı 2018-ci illə müqayisədə 10,6 azalaraq 13,857 milyard dollar, sement ixracı isə 17,8 faiz artaraq 3,517 milyard dollar təşkil edib.


Mənbə: az.trend.az