SOCAR 28 May Respublika Günü münasibəti ilə videoçarx hazırladı

  • 27 May, 2020 16:12
SOCAR 28 May Respublika Günü münasibəti ilə videoçarx hazırladı

Azərbaycan Dövlət Neft Şirkəti (SOCAR) 28 May Respublika Günü münasibəti ilə videoçarx hazırlayıb.

“Finans.az” xəbər verir ki, videoçarxda Azərbaycan Milli Şurasının 28 May 1918-ci ildə qəbul etdiyi Azərbaycan Xalq Cümhuriyyətinin istiqlal bəyannaməsi səsləndirilib.

Belə ki, musiqisi Üzeyir Hacıbəylinin “Milli Marşı” ilə müşayiət olunan videoçarxda İstiqlal Bəyannaməsinin bütün bəndləri səsləndirilir. 6 bənddən ibarət olan İstiqlal Bəyannaməsində deyilir:

1. Bu gündən etibarən Azərbaycan xəlqi hakimiyyət həqqinə malik olduğu kibi Cənubi-Şərqi Zaqafqaziyadan ibarət Azərbaycan dəxi kamil-əl-hüquq müstəqil bir dövlətdir.

2. Müstəqil Azərbaycan dövlətinin şəkili-idarəsi Xalq Cümhuriyyəti olaraq təqarrür ediyor.

3. Azərbaycan Xalq Cümhuriyyəti bütün millətlər və bilxassə həmcüvar olduğu millət və dövlətlərlə münasibəti - həsənə təsisinə əzm edər.

4. Azərbaycan Xalq Cümhuriyyəti millət, məzhəb, sinif, silk və cins fərqi gözləmədən qələmrəvində yaşayan bütün vətəndaşlarına hüquqi-siyasiyyə və vətəniyyə təmin edər.

5. Azərbaycan Xalq Cümhuriyyəti ərazisi daxilində yaşayan bil cümlə millətlərə sərbəstanə inkişafları üçün geniş meydan buraxır.

6. Məclisi-Müəssisan toplanıncaya qədər Azərbaycan idarəsinin başında arai-ümumiyyə ilə intixab olunmuş Şurai Milli və Şurai-Milliyə qarşı məsul hökuməti-müvəqqəti durur.

Videoçarxın sonunda İstiqlal Bəyannaməsini imzalayan cümhuriyyət qurucuları - Həsən bəy Ağayev, Fətəli xan Xoyski, Nəsib bəy Yusifbəyli, Camo bəy Hacınski, Şəfi bəy Rüstəmbəyli, Nəriman bəy Nərimanbəyov, Cavad Məlik-Yeqanov, Mustafa Mahmudovun adları çəklir.

SOCAR-ın hazırladığı videoçarxı oxuculara təqdim edirik.



Mənbə: report.az