Sahibkarlığın İnkişafı Fondu ötən il 127 milyon manat güzəştli kredit verib

  • 14 Yanvar, 2021 17:02
Sahibkarlığın İnkişafı Fondu ötən il 127 milyon manat güzəştli kredit verib

İqtisadiyyat Nazirliyinin Sahibkarlığın İnkişafı Fondu 2020-ci ildə sahibkarların maarifləndirilməsi, sahibkarlıq fəaliyyətinin təşviqi və güzəştli kreditlərin verilməsi üzrə fəaliyyətini davam etdirib.

Bu barədə “Finans.az”a nazirlikdən bildirilib.

Məlumata görə, ötən il Fond ümumi dəyəri 397 milyon manat olan 908 investisiya layihəsinin maliyyələşdrilməsinə 127 milyon manat güzəştli kredit verib. Bu kreditlər 2 700-dən çox yeni iş yerinin açılmasına imkan verir.

2020-ci ildə güzəştli kreditlərin 58%-i aqrar sektorun, 42%-i sənaye məhsullarının istehsalı və emalı və digər sahələrin inkişafına yönəldilib, 79%-i regionların, 21%-i isə Bakının payına düşüb.

Sahibkarların güzəştli kreditləşdirilməsi bu il də davam etdiriləcək.