OPEC Azərbaycanda neft hasilatı proqnozunu dəyişdirməyib

  • 15 Yanvar, 2020 17:51
OPEC Azərbaycanda neft hasilatı proqnozunu dəyişdirməyib

Neft İxrac Edən Ölkələr Birliyi (OPEC) 2020-ci ildə Azərbaycanda sutkalıq neft hasilatı proqnozunu dəyişməz saxlayıb.

"Finans.az" xəbər verir ki, 2019-cu ildə Azərbaycanda gündəlik neft hasilatı 10 min barel azalaraq 790 min barel olub. 2020-ci il üzrə də proqnozun dəyişməz qalacağı gözlənilir. 2020-ci ilin I rübündə proqnoz OPEC+ əməkdaşlığına uyğun olaraq 796 min barelə dəyişdirilib.

Qeyd edək ki, 2019-cu ilin 6 dekabrında OPEC və qeyri-OPEC Nazirlərinin VII Görüşündə “OPEC plus” üzrə gündəlik neft hasilatının daha 500 min barel azaldılması barədə qərar qəbul edilib. Yeni “Əməkdaşlıq Bəyannaməsi”nə uyğun olaraq, Azərbaycanın öhdəliyi 27 min barel müəyyən edilib. 2020-ci ilin yanvar ayından etibarən Azərbaycan gündəlik neft hasilatını 769 min barel həcmində saxlamalıdır.


Mənbə: report.az