Neft və qazdan gəlirimiz 146 milyard dolları keçdi

  • 8 Avqust, 2019 13:28
Neft və qazdan gəlirimiz 146 milyard dolları keçdi

Azərbaycan Dövlət Neft Fondu (ARDNF) 2001-ci ildən bu il avqustun 1-nə qədər “Azəri-Çıraq-Günəşli” (AÇQ) neft yataqları blokunun işlənməsindən 143,366 milyard ABŞ dolları məbləğində gəlir əldə edib.

“Finans.az” Fonda istinadən xəbər verir ki, bunun 5,16 milyard dolları bu il əldə olunub.

Bundan başqa, ARDNF-ə 2017-ci ildən etibarən “Şahdəniz” yatağı üzrə qazın satışından isə 2,703 milyard dollar vəsait daxil olub. Bunun isə 209 milyon dolları bu ilin payına düşüb.

Beləliklə, Fond indiyə qədər neft-qaz layihələrindən 146,069 milyard dolar gəlir əldə edib.