Kreditə əlçatanlıq təkmilləşdirilir

  • 9 Sentyabr, 2019 13:59
Kreditə əlçatanlıq təkmilləşdirilir

Azərbaycan Banklar Assosiasiyasının (ABA) bankların kreditləşmə istiqamətindəki rəhbər şəxslərinin üzv olduğu "Kredit işi" Ekspert Qrupunun növbəti iclası keçirilib.

"Finans.az" ABA-ya istinadən xəbər verir ki, iclasda kreditləşmənin və kreditə əlçatanlığın təkmilləşdirilməsi məqsədilə banklardan toplanılan təkliflərə yenidən baxılıb, bu istiqamətdə fikir mübadiləsi aparılıb. Sonda məsələ ilə bağlı müzakirələrin davam etdirilməsi qərara alınıb.

Qeyd edək ki, Azərbaycan Banklar Assosiasiyası 1990-cı ildə kommersiya bankları tərəfindən təsis edilib. Hazırda 29 bank və 3 qeyri-bank təşkilatı bu qurumun üzvüdür.