“Kontakt Home”un sahibi olan MMC manatla istiqraz buraxır

  • 7 Avqust, 2020 12:58
“Kontakt Home”un sahibi olan MMC manatla istiqraz buraxır

“Kontakt Home” əmtəə nişanının sahibi “ABC-Telekom” MMC istiqraz buraxmağa hazırlaşır.

Bu barədə “Finans.az”a şirkətdən bildirilib.

Məlumata görə, söhbət hər birinin nominal dəyəri 1 000 manat olan 7 500 ədəd (7,5 milyon manatlıq) istiqrazdan gedir. Qiymətli kağızlar qapalı üsulla yerləşdiriləcək. Onları təxminən 20 investorun alacağı gözlənilir. Prosesin anderrayteri “PAŞA Kapital İnvestisiya Şirkəti” QSC-dir.

İstiqrazlar 1 il dövriyyədə olacaq. Onların illik gəlirliyi 10%-dir. Faizlər aylıq ödəniləcək. Emissiyanın məqsədi dövriyyədə vəsaitinin artırılmasıdır.

Xatırladaq ki, “ABC-Telekom” 2006-cı ildə yaradılıb. Onun nizamnamə kapitalı 10 min manatdır.


Mənbə: report.az