İnternet məkanında fişinq saytlarının sayı açıqlanıb

  • 19 Oktyabr, 2020 10:24
İnternet məkanında fişinq saytlarının sayı açıqlanıb

Bu ilin yanvar-sentyabr aylarında qlobal internet şəbəkəsində aşkarlanan və bloklanan fişinq saytlarının sayı keçənilki rəqəmi üstələyib.

"Finans.az" xəbər verir ki, bunu "Group-IB" (CERT-GIB) beynəlxalq şirkətin Kompüter İnsidentləri ilə Mübarizə Mərkəzinin rəhbəri Yaroslav Karqalev deyib.

Onun sözlərinə görə, yanvar-sentyabr aylarında CERT-GIB tərəfindən 14 802 fişinq mənbələri bloklanıb: "Qeyd edim ki, təkcə ötən il ərzində 14 093 veb-mənbənin fəaliyyəti dayandırılıb. Kibercinayətkarlar fişinq vasitəsilə sayt ziyarətçilərinin vəsaitlərini və şəxsi məlumatlarını (login, hesab və onlayn bank şifrələrini, bank kartı məlumatlarını) ələ keçirir".

Ekspertin sözlərinə görə, 2020-ci ilin I rübündə fişinq mənbələrinin sayı əvvəlki ilə nisbətən 25%, II rübündə isə bloklanan fişinq saytlarının sayı 71% artıb.


Mənbə: apa.az