İnnovasiyalar Agentliyinin sədri: "İnvestisiya startaplara qrantdan daha çox yardım edir"

  • 28 Avqust, 2019 11:52
İnnovasiyalar Agentliyinin sədri:

"Hazırda biz prioritet müəyyən edirik ki, startaplara qrant, yoxsa investisiya verilməsi yaxşıdır. Startapların çoxu qrant gözləntisindədir".

"Finans.az" "Report"a istinadən xəbər verir ki, bunu Nəqliyyat, Rabitə və Yüksək Texnologiyalar Nazirliyi yanında İnnovasiyalar Agentliyinin sədri Tural Kərimli "AZCLOUD Hackathon 2019" müsabiqəsi ilə bağlı keçirilən mətbuat konfransında çıxışı zamanı bildirib.

"Əminliklə deyə bilərəm ki, qrant startaplara daha az kömək edir, nəinki investisiya. Çünki xarici investor investisiya cəlb edən startapı qrant cəlb edən startapdan daha cəlbedici görür. O görəndə ki, dövlət bura büdcədən investisiya ayırıb, bu o deməkdir ki, startap ilkin qiymətləndirmədə keçib, İlkin qiymətləndirmədən keçən startap o deməkdir ki, bu artıq kommersiyalaşıb və iqtisadi əhəmiyyəti, bazar dəyəri var",- T. Kərimli əlavə edib.


Mənbə: report.az