Bakı metrosundan bu il 51 mln. sərnişin istifadə edib

  • 21 May, 2020 16:35
Bakı metrosundan bu il 51 mln. sərnişin istifadə edib

Bu ilin yanvar-aprel aylarında "Bakı Metropoliteni" QSC 50,9 mln. sərnişin daşıyıb ki, bu da ötən ilin müvafiq dövrü ilə müqayisədə 34,1% azdır.

Dövlət Statistika Komitəsindən "Finans.az"a verilən məlumata görə, 2019-cu ilin yanvar-aprel ayları ərzində metro nəqliyyatının xidmətlərindən istifadə etmiş sərnişinlərin sayı 77,1 mln. nəfər olub.

Qeyd edək ki, indi Bakıda metropoliten xətlərinin uzunluğu 36,6 kilometrə, xətlərinin sayı 3-ə, stansiyalarının sayı 25-ə bərabərdir. Hazırda Bakı metropolitenində konseptual inkişaf proqramına uyğun olaraq, tikinti işləri davam etdirilir. Dövlət Proqramına əsasən, 2030-cu ildə paytaxtın yeraltı yollarının ümumi uzunluğu 119,1 km, stansiyalarının sayı isə 76-ya çatacaq.


Mənbə: apa.az