AZSIĞORTA media nümayəndələri üçün təlim təşkil edib

  • 18 İyun, 2019 15:54
AZSIĞORTA media nümayəndələri üçün təlim təşkil edib

Bu gün AZSIĞORTA ASC media nümayəndələri üçün “Daşınmaz əmlakın icbari sığortası” mövzusunda təlim təşkil edib.

"Finans.az" xəbər verir ki, təlimdə spiker qismində çıxış edən AZSIĞORTA şirkətinin Mənfəət Mərkəzinin rəhbəri, iqtisad elmləri üzrə fəlsəfə doktoru Qoşqar Şəkərəliyev öncə iştirakçılara icbari sığorta haqqında məlumat verərək daha sonra daşınmaz əmlakın icbarı sığortası barədə geniş təqdimat nümayiş etdirib.

Daha sonra Q.Şəkərəliyev sığorta barəsində jurnalistləri maraqlandıran sualları cavablandırıb. Təlimin sonunda AZSIĞORTA şirkətinin İdarə Heyətinin sədri Anar Talıbov media nümayəndələrinə sertifikatlar təqdim edib.

Xatırladaq ki, AZSIĞORTA ASC fəaliyyət üçün lisenziyanı 2006-cı ilin noyabrında alıb və Azərbaycanın sığorta bazarında ən stabil şirkətlərdən biridir.