“Azfinance İnvestisiya Şirkəti”nin rəhbərliyinə yeni təyinatlar olub

  • 6 Dekabr, 2019 14:07
“Azfinance İnvestisiya Şirkəti”nin rəhbərliyinə yeni təyinatlar olub

“Azfinance İnvestisiya Şirkəti” QSC-yə iki yeni direktor müavini təyin edilib.

“Finans.az” xəbər verir ki, bunlar indiyə qədər maliyyə qurumunda departament rəhbəri kimi çalışan Fərid Məmmədov və Pərvanə Qasımovadır.

Xatırladaq ki, yaxın vaxtlara qədər “Azfinance”ın direktor müavini olan İntiqam Səfərəliyev ötən ay direktor təyin olunub. Bundan sonra digər direktor müavini Murad Əhmədov vəzifəsini tərk edib.

“Azfinance" 2014-cü ildə yaradılıb. Onun nizamnamə kapitalı 1,55 milyon manatdır. Şirkətin səhmləri 100% Dubayda (BƏƏ) qeydiyyatdan keçmiş “G Capital Middle East Ltd.” şirkətinə məxsusdur.


Mənbə: report.az