Azərbaycanda fişinq hücumlarının sayı artıb - 2,5 DƏFƏ

  • 6 Avqust, 2020 15:25
Azərbaycanda fişinq hücumlarının sayı artıb - 2,5 DƏFƏ

Bu ilin iyul ayında Azərbaycanın ".az" domenində olan saytların hər 147-si nəticə etibarı ilə bir uğurlu fişinq hücumu ilə üzləşib ki, bu rəqəm ümumi qeydiyyatdan keçən saytların 0,4%-ni təşkil edir.

“Finans.az” xəbər verir ki, "Netcraft" analitik şirkətinin məlumatına görə, ümumilikdə, Azərbaycan saytlarının 241-i fişinq hücumunun qurbanı olub ki, bu göstərici üzrə son bir ay ərzində 2,5 artıb.

Qeyd edək ki, bu günə ".az" domenində 35,5 minədək sayt qeydiyyatdan keçib.

"Netcraft"ın məlumatına görə, Ukraynada hər 258, Rusiyada – 265, Belarusda – 895, Latviyada – 39, Litvada - 244, Estoniyada – 35, Qazaxıstanda – 961, Özbəkistanda – 530, Tacikistanda – 138, Qırğızıstanda – 687, Gürcüstanda – 256, Ermənistanda isə 335 sayta bir uğurlu fişinq hücumu düşüb.


Mənbə: apa.az