Rusiya Azərbaycanın 35 tondan çox pomidorunu niyə geri göndərib?

  • 12 İyun, 2019 14:55
Rusiya Azərbaycanın 35 tondan çox pomidorunu niyə geri göndərib?

Azərbaycandan idxal edilən pomidor məhsulunun ölkəyə geri qayrarılması ilə bağlı Rusiyanın aidiyyəti qurumu tərəfindən Azərbaycan Qida Təhlükəsizliyi Agentliyinə (AQTA) hər hansı rəsmi məlumat daxil olmayıb.

"Finans.az" xəbər verir ki, AQTA-dan bildirildiyinə görə hazırda Agentliyin əməkdaşları məsələni nəzarətə götürüb və həqiqətə uyğun olub-olmadığı araşdırılır: "Fakt öz təsdiqini taparsa, Agentlik aidiyyəti tədbirlər görəcək və bununla bağlı ictimaiyyətə məlumat veriləcək".

Qeyd edək ki, Rusiyanın Baytarlıq və Fitosanitar Nəzarəti üzrə Federal Xidmətinin Karaçay-Çərkəz Respublikasının Stavropol Vilayəti üzrə İdarəsinin əməkdaşları Azərbaycandan gətirilən 36,5 ton pomidora baxış keçiriblər. Nəticədə pomidorda Cənubi Amerika tomat güvəsinin aşkar edildiyi və məhsulun geri qaytarıldığı bildirilib.


Mənbə: report.az